2021 年 10 月 20 日

美股投資頻道

#投資 #美股 #債券 #REITs #期權 #物業 #優先股

大陸數字貨幣關香港咩事? – 2020年4月27日

digital currency

上個星期大陸出數字貨幣,香港未必好多人留意或覺得關香港咩事。雖然發行數字貨幣可能有不同原因,但可以留意整體大趨勢做一D分析。

香港係世界人民幣,美元離岸結算中心。港元結算交易量一年大約300萬億,人民幣大約300萬億(港元等值),美元大約100萬億(港元等值)。係中美冷戰既趨勢下,中美交易量會越黎越細,結算既需求亦會細左。係呢個背景下,中國對外幣既控制會越黎越大。

以前大陸生產賣左本地貨物去外國賺外幣係香港公司收錢,再買外國貨運返中國用。隨著大陸同外國既貿易減少,賺到既美元少左。好自然唔可隨便比人用。只可以留比VIP用。用數字貨幣可以加大控制人民幣流出。以前係大陸賺左錢可以螞蟻搬家或地下錢莊攞走。然後係香港攞港幣或美金走。但以後轉左數字貨幣,我好懷疑點先可以由數字貨幣轉返實錢?而在境外有冇得直接用數字貨幣對換外幣?或者數字貨幣係唔係好似支付寶可以係日本或者外國買野?我睇多數唔可以。

大陸人亦開結冇得選擇,慢慢出糧會變晒數字貨幣。至於公司會點?例如大陸既麥當奴同Starbucks已經傳緊要開始係收數字貨幣。當官方渠道係唯一方法,透過立法同稅收已可以令所有人賺到既錢好難甚至出唔到國。其實有D似支付寶,你一增左值,都唔使唸點可以現金攞返出黎。

另一個影響係以前用現金,好多時係大陸有各式各樣既收費。以後應該更中央集權,淨係指定人仕先可以收錢。可以預見到係內地利益既分配會有好大震盪。

另一方面,數字貨幣既推出應該會短期內加快內地資金流去香港。因為內地地下資金依家應該唔敢去美國,歐洲等主要市場。暫時對內地地下資金仲叫比較安全既地方係香港。或者將錢運出大陸再換實金。因為始終有一部資內地資金唔想被迫換成數字貨幣而減低將來運唔到出黎既風險。

對香港人最重要既事係留意香港將來會唔會都被迫要用數字貨幣。